नेहरूनगर मार्गाच्या कठड्यांची दुरवस्था

कुर्ला, ता. ५ (बातमीदार) ः कुर्ला पूर्वेतील नेहरूनगर परिसरात जाणाऱ्या मार्गाचे संरक्षक कठडे तुटलेल्या अवस्थेत आहेत. कठड्यांचे दगड खाली पडून रस्त्याच्या मध्ये येतात. त्यामुळे वाहनचालकांना त्याचा धोका होण्याची भीती आहे. नेहरूनगर मार्गावरून हजारो वाहने ये-जा करतात. सार्वजनिक बस, ट्रक, टेम्पो, दुचाकी, तीनचाकी, चारचाकी वाहने येथून प्रवास करतात. इथे अनेकदा अपघात झाले आहेत. वाहनचालक स्वतः ते दगड उचलून बाजूला करतात. हे कठडे नव्याने बनवावेत, अशी मागणी नागरिकांकडून होत आहे.