अनाथ मुलांच्या मदतीसाठी संगीत कार्यक्रम

बेलापूर, ता. ५ (बातमीदार) : आपुलकी फाऊंडेशनच्या वतीने भारतरत्न लता मंगेशकर, बप्पी लाहिरी, बालसुब्रमण्यम यांच्या गाण्यावर आधारित ‘ए म्युझिकल ट्रिब्यूट’ हा गायनाचा कार्यक्रम पार पडला. अनाथ मुलांच्या मदतीसाठी या संगीत कार्यक्रमाचे आयोजन करण्यात आले होते. शहरातील???????????

आद्य क्रांतिवीर वासुदेव बळवंत फडके नाट्यगृह झालेल्या या कार्यक्रमास भाजपचे उत्तर रायगड जिल्हा अध्यक्ष आमदार प्रशांत ठाकूर यांची उपस्थिती लाभली होती.

गायक गोविंद मिश्री, जया पियुष, संदीप शहा, शाकंबरी बागडे, डी. महेश यांनी गायनाने उपस्थितांची मने जिंकली. या संगीत कार्यक्रमाला अरुण कारेकर यांचे संगीत संयोजन लाभले. या कार्यक्रमातून जमा झालेल्या रकमेतून बालग्राम अनाथ आश्रमाला मदत करण्यात येणार आहे, अशी माहिती फाऊंडेशनचे प्रवीण मोहोकर यांनी दिली. यावेळी आपुलकी फाऊंडेशनचे अध्यक्ष संजय जाधव, नगरसेवक अनिल भगत, नगरसेवक अजय बहिरा, माजी नगरसेवक सुलोचना कल्याणकर, डॉ. सचिन जाधव, अनिल जाधव आदी उपस्थित होते.