ॲड.सुरेश मोहिते चिटणीसपदी

ठाणे, ता. ५ ः ठाणे परिवहन सेवेचे माजी सभापती ॲड. सुरेश मोहिते यांची शिवसेनाप्रणीत भारतीय कामगार सेनेच्या चिटणीसपदी नियुक्ती करण्यात आली आहे. त्यांच्या या नियुक्तीमुळे त्यांच्यावर कामगार वर्गातून शुभेच्छांचा वर्षाव होत आहे. ॲड. मोहिते यांनी कामगार क्षेत्रात केलेल्या कामाची पोचपावती म्हणून भारतीय कामगार सेनेचे अध्यक्ष अरविंद सावंत यांनी नुकतीच त्यांची भारतीय कामगार सेनेच्या चिटणीसपदावर नियुक्ती केली आहे. ठाण्यातील येऊर ट्रेकर्स ग्रुपने देखील मोहिते यांना शुभेच्छा दिल्या आहेत.