चंदनसार तलाठी ३ हजाराची लाच घेताना रंगेहाथ अटक

नालासोपारा, ता. ६ (बातमीदार) : फेरफार झालेल्या कागदपत्रावर फक्त सही, शिक्का मारण्यासाठी ३ हजाराची लाच मागणाऱ्या तलाठी महिलेला लाच घेताना रंगेहाथ अटक केली आहे. सुषमा गंगाधर दासरवार (वय ३४) असे अटक केलेल्या तलाठी महिलेचे नाव असून ती विरार पूर्व सजा चंदनसार तलाठी म्हणून कार्यरत होती. पालघर लाचलुचपत विभागाच्या पथकाने शुक्रवारी दुपारी साडेबाराच्या सुमारास ही कारवाई केली. यातील तक्रारदार यांची आजी व आत्या मयत झाल्याने सात-बारावर फेरफार करून वारसदार यांची नावे नोंदविण्यासाठी व आजीचे नाव कमी करण्यासाठी तक्रारदार यांच्‍या वडिलांनी चंदनसार तलाठी यांच्याकडे अर्ज केला होता.