महावितरणच्या दुय्यम अभियंत्याला चार वर्षे सश्रम कारावास

मनोर, ता. ६ (बातमीदार) : विद्युत जोडणीसाठी लाच घेणाऱ्या महावितरणच्या अभियंत्याचा गुन्हा न्यायालयात सिद्ध झाल्याने न्यायालयाकडून अभियंत्याला दहा हजार रुपयांच्या दंडासह चार वर्षे सश्रम कारावासाची शिक्षा ठोठावण्यात आली. गुन्ह्यात सहभागी असलेल्या खासगी इसमालाही न्यायालयाकडून पाच हजार रुपयांचा दंड आणि तीन वर्षांच्‍या सश्रम कारावासाची शिक्षा सुनावण्यात आली आहे. विद्युत जोडणीसाठी लागणाऱ्या कोटेशनवर सह्या करण्यासाठी मागितलेली ४० हजारांची लाच स्वीकारताना वसई तालुक्यातील वालीव भागातील महावितरणचा दुय्यम अभियंता आशिष थोटे (वय ५१)आणि खासगी इसम सखाराम पवार (वय ६१) याला सप्टेंबर २०११ मध्ये लाचलुचपत प्रतिबंधक विभागाकडून अटक करण्यात आली होती.