भांडुपमध्ये ‘खेळ पैठणीचा’

भांडुप, ता. ७ (बातमीदार) ः महिलांसाठी ‘खेळ पैठणीचा’ या स्पर्धेचे आयोजन रविवारी (ता. ८) सायंकाळी ५ वाजता महापौर मैदान मिराशीनगर कांजूरमार्ग पूर्व या ठिकाणी करण्यात आले आहे. साऱ्या घराची जबाबदारी एकट्याच्या खांद्यावर उचलणाऱ्या महिलांनासुद्धा एक विरंगुळा निर्माण व्हावा, तसेच त्यांच्या कला-गुणांना वाव मिळावा या उद्देशाने या कार्यक्रमाचे आयोजन माजी नगरसेविका सुवर्णा करंजे यांनी केले आहे. कार्यक्रमास प्रवेश विनामूल्य असून परिसरातील जास्तीत जास्त महिलांनी कार्यक्रमात सहभाग होण्याचे आवाहन करण्यात आले आहे. या स्पर्धेत विजयी होणाऱ्या महिलेला आकर्षक बक्षीस देण्यात येणार आहे.