बेरोजगारांसाठी व्यवसाय मार्गदर्शन शिबिर

पनवेल, ता. ७ (बातमीदार) : कोरोना काळात अनेक नागरिकांच्या नोकऱ्या गेल्या, तसेच व्यवसाय ठप्प झाले. अशा परिस्थितीतही गेल्या पाच ते सहा महिन्यांपासून स्वतःला सावरत प्रत्येक नागरिक पुन्हा उभा राहण्याचा प्रयत्न करत आहे. त्यांना मदत करण्याच्या उद्देशाने जे. एम. म्हात्रे चॅरिटेबल संस्था आणि लक्ष्यपूर्ती वेल्फेअर फेडरेशन यांच्या संयुक्त विद्यमाने व्यवसाय आणि अर्थसाह्य मार्गदर्शन शिबिराचे आयोजन करण्यात आले आहे. उद्या (ता. ८) सकाळी दहा वाजता आद्य क्रांतिवीर वासुदेव बळवंत फडके नाट्यगृहात होणाऱ्या शिबिरामध्ये केंद्र सरकारच्या विविध कोर्सेसची माहिती देण्यासाठी संबंधित विभागातील अधिकारी, तसेच पतपुरवठा उपलब्ध करून देण्यासाठी सरकारी, खाजगी बँकांचे प्रतिनिधी येणार आहेत, असे प्रीतम जनार्दन म्हात्रे यांनी सांगितले.