मुलुंडमध्ये संगीताचा कार्यक्रम

मुलुंड, ता. ७ (बातमीदार) ः महाराष्ट्र सेवा संघ यांच्यातर्फे सतीश जोशी प्रस्तुत ‘रहे ना रहे हम’ या कार्यक्रमाचे आयोजन करण्यात आले आहे. भारतरत्न लता मंगेशकर यांनी गायलेल्या व १९५० ते १९६८ या काळातील तीन प्रथितयश नायिका मधुबाला, नूतन आणि वैजयंतीमाला यांच्यावर चित्रित झालेल्या अत्यंत श्रवणीय अशा हिंदी चित्रपट गीतांचा व त्यांच्याशी संलग्न आठवणी आणि किस्से यांचा हा बहारदार कार्यक्रम रविवारी (ता. १५) संघाच्या सु. ल. गद्रे सभागृहामध्ये संध्याकाळी ६.०० वाजता होणार आहे. कार्यक्रमाला प्रवेश विनामूल्य असून सर्व रसिकांनी उपस्थित राहावे, असे आवाहन आयोजकांतर्फे करण्यात आले आहे.