पंच मार्कस कौटो यांच्याकडून खेळाडूंना मार्गदर्शन

खारघर, ता. ९ (बातमीदार) : आंतरराष्ट्रीय क्रिकेट पंच मार्कस कौटो यांनी नुकतीच खारघरमधील जयहिंद स्पोर्ट्स क्लबला भेट दिली. यावेळी नवोदित खेळाडूंना क्रिकेट खेळताना पंच, तसेच इतर खेळाडू यांच्याशी कसे वर्तन असावे, याविषयी मार्गदर्शन केले. यावेळी जयहिंद स्पोर्ट्स क्लबचे अध्यक्ष कृष्णा खडगी, अमर चव्हाण, रूपेश खडगी उपस्थित होते. कृष्णा खडगी यांनी मार्कस कौटो यांना खारघर शहराला भेट देऊन खेळाडूंना मार्गदर्शन करावे, यासाठी निमंत्रित केले होते.