सॅनिटरी पॅड मशीनचे उद्‍घाटन

वडाळा, ता. ९ (बातमीदार) ः जागतिक मातृदिनाच्या निमित्ताने शिवसेनेच्या माजी नगरसेविका तेजस्वी अभिषेक घोसाळकर यांच्या संकल्पनेतून महिलांसाठी सॅनिटरी नॅपकिन पॅडची मशीन दहिसर-बोरिवली लिंक रोड येथील गणपत पाटीलनगर येथील महिला शौचालयात लावण्यात आली. त्याचे उद्‍घाटन रविवारी (ता. ८) करण्यात आले. प्रभागातील इतर महिला शौचालयांत यापुढे सॅनिटरी नॅपकिन मशीन उपलब्ध करून देण्यात येणार असल्याचे तेजस्वी घोसाळकर यांनी सांगितले. या वेळी शिवसेनेचे माजी नगरसेवक, मुंबई बँक संचालक अभिषेक घोसाळकर, आयसीसी वुमन संस्थेच्या अध्यक्षा योवन्ने डिसोजा, शाखा प्रमुख राजेंद्र इंदुलकर, शाखा संघटक ज्यूडीथ मेंडोसा, महिला संघटनेच्या पदाधिकऱ्यांसह विभागातील महिला मोठ्या संख्येने उपस्थित होत्या.