बोर्डीत आरोग्यविषयक मार्गदर्शन

बोर्डी, ता. ९ (बातमीदार) ः सोमवंशी क्षत्रिय वाडवळ समाज महिला मंडळ, बोर्डी यांच्यातर्फे महिलांसाठी आरोग्य मार्गदर्शन शिबिर व स्नेहसंमेलन आयोजित करण्यात आले होते. महिला मंडळाच्या अध्यक्षा शारदा राऊत यांच्या अध्यक्षतेखाली हा कार्यक्रम झाला. या शिबिरात डॉ. प्रांजली वैभव सावे यांनी मानसिक व शारीरिक स्वास्थ्य आणि डॉ. साधना तिवारी यांनी फिजिओथेरपी या विषयांवर महिलांना मार्गदर्शन केले. या कार्यक्रमात वाडवळ समाजातील विविध क्षेत्रांत उल्लेखनीय कार्य करणाऱ्या महिलांचाही सन्मान करण्यात आला. कार्यक्रमाचे सूत्रसंचालन सुचिता चुरी यांनी केले; तर रश्मी राऊत यांनी उपस्थितांचे आभार मानले.