झाडाची फांदी पडून तीन घरांचे नुकसान

ठाणे, ता. १० ः लोकमान्य पाडा क्रमांक- ३, येथे नंद पार्कच्या परिसरातील गुलमोहरच्या झाडाची फांदी जवळच असलेल्या सुर्वे चाळीवर पडली. यामध्ये तिन्ही घरांच्या छताचे मोठ्या प्रमाणात नुकसान झाले असून सुदैवाने यामध्ये कोणालाही दुखापत झालेली नाही.
या घटनेची माहिती मिळताच प्रादेशिक आपत्ती व्यवस्थापन विभाग आणि अग्निशमन दलाच्या जवानांनी घटनास्थळी धाव घेतली. तातडीने घरावरती पडलेली झाडाची फांदी कापून बाजूला करण्यात आली. या घटनेत घरमालक श्रीधर कुनकवळेकर, सुभाष उतेकर आणि नरेश वसंत घाणेकर यांच्या घराच्या छताचे नुकसान झाले आहे, अशी माहिती आपत्ती व्यवस्थापन विभागाने दिली.