जोगेश्‍वरीत गॅस पाईप लाईनचे काम सुरू

जोगेश्वरी, ता. १० (बातमीदार) ः जोगेश्वरीतील दुर्गानगर येथील सुखसागर संकुल ही एमएमआरडीएची वसाहत गेल्या दहा वर्षांपासून महानगर गॅसच्या पाईप लाईनच्या प्रतीक्षेत होती. महानगर गॅसकडून तांत्रिक अडचणीचे कारण येथील रहिवाशांना सांगितले जात होते. याबाबतचे अनेक तक्रारी लोकप्रतिनिधी व महानगर गॅसकडे करण्‍यात आल्या होत्या. अखेर नागरिकांच्‍या तक्रारीची दखल येथील महानगर गॅसच्या पाईप लाईन काम नुकतेच सुरू झाले. त्यामुळे रहिवाशांमध्ये आनंदाचे वातावरण आहे. स्थानिक आमदार रवींद्र वायकर यांनी यासाठी प्रयत्न केले.