वंकास येथे सामुदायिक विवाह सोहळा

कासा, ता. १० (बातमीदार) ः रोशनी फाऊंडेशन आणि चॕरिटेबल ट्रस्ट, मुंबई यांच्या सहकार्याने डहाणूतील वंकास येथे आदिवासी समाजातील २५ जोडप्यांचा सामुदायिक विवाह सोहळा संपन्न झाला. डहाणूचे आमदार विनोद निकोले हे वधू-वरांना आशीर्वाद देण्यासाठी हजर होते. सोहळ्याच्या वेळी नवविवाहित जोडप्यांना ट्रस्टकडून संसारोपयोगी भांडी, कपडे, पंखा, जीवनावश्यक साहित्य देण्यात आले; तर प्रकल्प कार्यालय डहाणू यांच्याकडून कागदपत्रांचे सोपस्कर पूर्ण झाल्यानंतर १० हजार रुपयांची भेट नवदाम्पत्यांना देण्यात येणार आहे. या सामुदायिक विवाह सोहळ्यासाठी ट्रस्टच्या अध्यक्षा गीता व संजीव मृच्छाला, राजू वावरे यांनी मेहनत घेतली.