
पोलिस नाईक सर्पमित्राने दिले नागाला जीवदान
सकाळ वृत्तसेवा
ठाणे, ता. १० : शहरातील नौपाडा पोलिस ठाण्यात सोमवारी (ता. ९) मध्यरात्री विषारी नाग आढळला. त्याला मोठ्या हुशारीने पकडण्यात आले. त्या नागाला सर्पमित्र तथा वागळे इस्टेट पोलिस ठाण्याचे पोलिस नाईक ज्ञानेश्वर शिरसाठ यांनी जीवदान दिले.
सोमवारी मध्यरात्री १२ वाजण्याच्या सुमारास नौपाडा पोलिस ठाण्याच्या पहिल्या माळ्यावर ऑफिसर रूममध्ये पोलिस उपनिरीक्षक लोंढे यांना टेबलाच्या खाली सुमारे ५ फुटांचा विषारी नाग दिसला. त्यांनी तातडीने सर्पमित्र आणि वागळे इस्टेट पोलिस ठाण्याचे पोलिस नाईक ज्ञानेश्वर शिरसाठ आणि ठाणे ग्रामीण पोलिस दलातील श्वान पथकाचे पोलिस हवालदार समीर डिके यांना माहिती दिली. त्या दोघांनी पोलिस ठाण्यात धाव घेत नागाला पकडून त्याला जीवदान दिले. प्राणीमित्र शिरसाठ यांनी यापूर्वी अनेक विषारी व बिनविषारी सापांना व पशु-पक्ष्यांना जीवदान दिले आहे. त्यांच्या या कामगिरीचे सर्वत्र कौतुक होत आहे.
Web Title: Todays Latest Marathi News Mum22g81841 Txt Thane
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..