सुनील कुमरे यांना पुरस्कार

जोगेश्वरी, ता. ११ (बातमीदार) ः सामाजिक क्षेत्रात उल्लेखनीय कार्याबद्दल सामाजिक कार्यकर्ता आणि मुंबई आदिवासी कॉँग्रेस विभागाचे अध्यक्ष सुनील कुमरे यांना शास्त्री गौरव पुरस्कार जाहीर झाला आहे. १९ जून रोजी वर्धा येथे होणाऱ्या पुरस्कार वितरण सोहळ्यात त्यांना या पुरस्काराने सन्मानित केले जाणार आहे. दरवर्षी विविध क्षेत्रांमध्ये उल्लेखनीय कार्य करणाऱ्या मान्यवरांना ऑल इंडिया शास्त्री सोशल फोरम नवी दिल्लीकडून शास्त्री गौरव पुरस्कार देऊन सन्मानित केले जाते. प्रतिवर्षी अनेक मान्यवरांना या पुरस्काराने सन्मानित केले गेले आहे. या वर्षीसुद्धा विविध क्षेत्रांतील उल्लेखनीय कामगिरी करणाऱ्या २१ मान्यवरांना हा पुरस्कार दिला जाणार आहे. त्यात मुंबईतील सुनील कुमरे यांचा समावेश आहे.