खारेगाव जवळ पाण्याचा टँकर उलटला

कळवा, ता. ११ (बातमीदार) ः मुंबई-नाशिक-आग्रा महामार्गावर साकेत पुलाच्या पुढे खारेगावजवळ पाण्याचा टँकर उलटला. या अपघातात टँकरचालक किरकोळ जखमी झाला आहे.
अंकुश मांढरे यांच्या मालकीचा बोलेरो मिनी पाण्याचा टँकर ठाण्यातील ढोकाळीवरून खारेगाव येथे जात असताना साकेत पुलाच्या पुढे खारेगावजवळ आल्यावर टँकरचा चालक शंभूराज धरीकर (३२) याचा गाडीवरील ताबा सुटल्याने टँकर रस्त्यावर पलटी झाला. या अपघातात चालक शंभूराज यांच्या उजव्या पायाला दुखापत झाली आहे.