खारघरमध्ये कोरोना रुग्णांत वाढ

खारघर, ता. ११ (बातमीदार) : खारघरमध्ये कोरोना बाधित रुग्णांच्या संख्येत वाढ होत आहे. तीन दिवसात शहरात आठ कोरोना बाधित आढळले असून नागरिकांनी कोरोना नियमांचे पालन करावे, असे आवाहन पनवेल महापालिकेकडून करण्यात आले आहे.
खारघर हा पनवेल महापालिका क्षेत्रातील सर्वात मोठा नोड आहे. दोन वर्षात शहरातील कोरोना बाधितांचा आकडा ३० हजार ३६८ इतका झाला आहे. आतापर्यंत ३० हजार ८१ व्यक्तींनी कोरोनावर मात केली आहे. तर २७१ व्यक्तीचा मृत्यू झाला आहे.
सद्यस्थितीत शहरात १६ कोरोना बाधित रुग्णावर उपचार सुरू आहे. महापालिका क्षेत्रातील सर्वाधिक कोरोना बाधित खारघरमध्ये आढळले आहेत. गेल्‍या तीन दिवसात खारघरमध्ये आठ रुग्‍णांची नोंद झाली आहे.
८ मे- १
९ मे - २
१० मे -५