ठाण्यात मनाई आदेश लागू

ठाणे, ता. ११ ः सण, उत्सवांच्या अनुषंगाने ठाणे पोलिस आयुक्तालयाच्या हद्दीत सार्वजनिक शांतता व सुव्यवस्था अबाधित राखण्यासाठी २४ मे पर्यंत मनाई आदेश लागू करण्यात आला आहे. या कालावधीत शस्त्रे, सोटे, तलवारी, भाले, बंदुका, लाठ्या किंवा शरीरास इजा करण्यासाठी वापरण्यात येणाऱ्या वस्तू बाळगण्यास मनाई करण्यात आली असल्याचे आदेश पोलिस उप आयुक्त, डॉ. सुधाकर पठारे यांनी नमूद केले आहे. लग्नकार्य, अंत्यविधी, सरकारी कामे, शैक्षणिक संस्था, तसेच पोलिस अधिकाऱ्यांनी परवानगी दिलेल्या सभा, मिरवणुकांना हा मनाई आदेश लागू नसेल.