भारतीय लोकशाहीच्या भवितव्यावर चर्चा

वडाळा, ता. १२ (बातमीदार) ः भारतीय समाजवादी चळवळीतील ज्येष्ठ नेते, विचारवंत मधू लिमये यांच्या जन्मशताब्दी वर्षाच्या सांगता समारंभाच्या निमित्ताने ‘साथी मधू लिमये जन्मशताब्दी’ समारोह समितीच्या वतीने शनिवारी (ता. १४) सायंकाळी ५.३० वाजता दादर पूर्व येथील मुंबई मराठी ग्रंथसंग्रहालय, सुरेंद्र गावस्कर सभागृह येथे ‘भारतीय लोकशाहीचे भवितव्य’ या विषयावरील चर्चासत्राचे आयोजन करण्यात आले आहे. या कार्यक्रमाचे अध्यक्षस्थानी मुंबई विद्यापीठाचे माजी कुलगुरू डॉ. भालचंद्र मुणगेकर असतील. वक्ते म्हणून सुप्रसिद्ध समाजशास्त्रज्ञ व समाजवादी चिंतक आनंद कुमार, संस्थापक, युवक क्रांती दल व राजकीय विश्लेषक डॉ. कुमार सप्तर्षी तसेच राज्यसभेचे माजी खासदार हुसेन दलवाई सहभागी होणार आहेत, अशी माहिती निमंत्रक संजीव साने आणि अमरेंद्र नंदू धनेश्वर यांनी दिली आहे.