क्रिकेट स्पर्धेत चॅम्पियन संघाला विजेतेपद

वसई, ता. १२ (बातमीदार) ः विलास विचारे व दिलीप पाटणकर सिझन क्रिकेट स्पर्धेत चॅम्पियन संघाने चक्रधर सी सी. या संघावर मात करत चषक पटकावला. नालासोपारा येथील शूर्पारक मैदानावर पार पडलेल्या क्रिकेट सामन्यात एकूण २० संघांनी सहभाग घेतला होता. अंतिम सामन्यात चॅम्पियन संघाचा डावखुरा फलंदाज सुमीत ढेकाळे यांनी २५ चेंडूत शतक झळकावले. अत्यंत चुरशीच्या सामन्यात निर्मळ क्रिकेट क्लब उपविजेता ठरला.
याप्रसंगी मुंबई क्रिकेट असोसिएशनचे माजी उपाध्यक्ष पंकज ठाकूर, शिवसेनेचे माजी जिल्हाप्रमुख शिरीष चव्हाण, माजी रणजीपटू किसन वाळींजकर, जयप्रकाश राऊत, विकास विचारे यांच्या हस्ते विजेत्यांना चषक देण्यात आले. यावेळी प्रास्ताविक कुमार राऊत; तर सूत्रसंचालन मोहक पाटील यांनी केले.