उसगाव जलवाहिनीला गळती

विरार, ता. १२ (बातमीदार) ः वसई-विरार पालिकेच्या उसगाव बंधारा पाणीपुरवठा योजनेच्या जलवाहिनीला बुधवारी गळती लागली होती. त्यामुळे हजारो लिटर पाणी वाया गेले, अशी माहिती येथील नागरिक सलीम शेख यांनी दिली. जलवाहिनीतून गळती ही शिरसाड येथील यादव चाळ येथे झाली. गळतीमुळे पाणीटंचाईच्या काळात हजारो लिटर पाणी वाया गेले. प्रशासनाने पाणी बचतीविषयी सजग हवे, असे शेख यांनी सांगितले.