क्रीडाशिक्षक प्रशांत पारगांवकर यांना पुरस्कार

वाडा, ता. १२ (बातमीदार) ः महाराष्ट्र जम्परोप असोसिएशनतर्फे क्रीडा शिक्षक प्रशांत पारगावकर यांना २०२१ साठी उत्कृष्ट प्रशिक्षक राज्य पुरस्कार जाहीर झाला आहे. पारगावकर यांनी आजपर्यंत अनेक खेळाडू घडवले असून त्यांच्या मार्गदर्शनातून तयार झालेल्या अनेक खेळाडूंनी राज्य तथा राष्ट्रीय स्तरावर चमकदार कामगिरी केली आहे. याचबरोबर जम्परोप स्पर्धेत सर्वोत्तम कामगिरी करणारे पालघर जिल्ह्यातील तनुजा भोईर, गौरवी सोनटक्के, भावेश कोरडे या खेळाडूंनाही उत्कृष्ट खेळाडू म्हणून गौरवण्यात येणार आहे. पुरस्कार प्राप्त प्रशिक्षक व खेळाडूंचे विविध स्तरातून अभिनंदन होत आहे.