तरुणीचा वाढदिवस वृद्धाश्रमात ज्येष्ठांसोबत

मालाड, ता. १५ (बातमीदार) ः भाग्यश्री सुरेश बोरले या तरुणीने आपला वाढदिवस, मित्र-मैत्रिणींबरोबर पार्टी करण्याचे टाळत, समाजात एकटे पडलेल्या आणि वृद्धाश्रमात असलेल्या वृद्धांसोबत साजरा केला. गोराई येथील विमलती देवी फाऊंडेशनच्या या वृद्धाश्रमात आपल्या वाढदिवसाचा येथील ज्येष्ठ नागरिकांच्या सहवासात केक कापून त्यांचे आशीर्वाद प्राप्त करत साजरा केला, तसेच या ज्येष्ठांसाठी केक, अल्पोपाहार व रेशनचीही व्यवस्था केली. फाऊंडेशनच्या विश्वस्त अंजली देसाई आणि असिफ शेख तसेच गौरीचे वडील सुरेश बोरले, आई, भाऊ उत्कर्ष बोरले आदी उपस्थित होते. या वेळी ज्येष्ठ नागरिकांना भाग्यश्री हिला आशीर्वाद दिले.