प्रभावती देवी मंदिराचा वर्धापन दिन उत्साहात

प्रभादेवी, ता. १४ (बातमीदार) : अनेक ज्ञाती समाजांची कुलदेवता असलेल्या प्रभादेवी येथील प्रभावती देवी मंदिराचा ३०७ वा वर्धापनदिन मोठ्या उत्साहात साजरा कारण्यात आला. वर्धापन दिनाच्या निमित्ताने करण्यात आलेल्या विद्युत रोषणाईने मंदिर परिसर उजळून निघाला होता, तर गाभारा फुलांनी सजवण्यात आला होता. या वेळी शेकडो भाविकांनी देवीची ओटी भरून दर्शन घेतले. जानेवारी महिन्याच्या शाकंभरी पौर्णिमेला देवीची मोठी जत्रा भरली जाते, असे मंदिराच्या विश्वास्तांनी सांगितले.