लोहमार्ग पोलिसांची घातपात तपासणी

वडाळा, ता. १४ (बातमीदार) ः नागपूर रेल्वेस्थानकात मिळालेली स्फोटके, तसेच पुणे रेल्वेस्थानकावर बॉम्बसदृश वस्तू आढळल्याच्या अनुषंगाने सुरक्षाच्या दृष्टिकोनातून‌ मुंबई सेंट्रल टर्मिनस येथे मुंबई सेंट्रल रेल्वे पोलिस ठाणे यांच्याकडून शुक्रवारी (ता. १३) घातपात तपासणी करण्यात आली. ही कारवाई वरिष्ठ पोलिस निरीक्षक के. के. पवार यांच्या मार्गदर्शनाखाली पोलिस उपनिरीक्षक संजय पाटील व अंमलदार तसेच रेल्वे सुरक्षा बल यांच्या वतीने करण्यात आली. यात स्थानकातील अडगळीच्या जागा, उपाहारगृह, तिकीट कार्यक्षेत्र, फलाट, ब्रीज व संशयास्पद वस्तूंची तपासणी करण्यात आली.