मोदी यांचे छायाचित्र लावलेल्या चुलीचे वाटप

बदलापूर, ता. १४ ः इंधन दरवाढ, घरगुती गॅसचे वाढते दर व वाढती महागाई याविरोधात बदलापूर राष्ट्रवादी काँग्रेस पक्षाच्या वतीने पंतप्रधान मोदी यांचे छायाचित्र लावलेल्या चुलींचे वाटप करून अनोखे आंदोलन केले. स्टेशन परिसरात हे आंदोलन करण्यात आले. घरगुती गॅसचे दर आता १००० वर गेले असून, पुन्हा आता घरोघरी मातीच्या चुली वापरण्याची वेळ सर्वसामान्य जनतेवर आली असल्याचे सांगत गॅस सिलिंडरला हार व फुले वाहून श्रद्धांजली देण्यात आली. ठाणे जिल्हा युवती अध्यक्षा प्रियांका दामले यांच्या नेतृत्वाखाली व जिल्हा उपाध्यक्ष अविनाश देशमुख, महिला शहर अध्यक्षा अनिसा खान यांच्या मार्गदर्शनाखाली हे आंदोलन करण्यात आले.