मुलुंडच्या गोशाळा रॊडवर कचरा

मुलुंड, ता. १५ (बातमीदार) ः कचऱ्याचे डबे उपलब्ध नसल्याने पश्चिमेतील गोशाळा रोडवर गेल्या एक आठवड्यापासून कचरा टाकला जात आहे. परिणामी येथे दुर्गंधी पसरली आहे. या रस्त्यावरील कचऱ्यामुळे नागरिकांचे आरोग्य धोक्यात आले आहे. संबंधित प्रशासनाने येथील समस्येची गंभीर दखल घ्यावी आणि रस्ता साफ करून मोकळा करावा, अशी मागणी या भागातील रहिवासी करत आहेत.