सीसी टीव्हीच्या कामाला गती द्यावी

कोपरखैरणे, ता. १८ (बातमीदार) : शहरात सध्या चोरीच्या घटनांमध्ये मोठ्या प्रमाणात वाढ झाली आहे. कोपरखैरणे सेक्टर १७ मध्ये दिवसाढवळ्या चोरीची घटना घडली आहे. लग्नसराई, शाळांना सुट्या असल्याने रहिवासी गावी गेल्याने नवी मुंबईत चोरांचा सुळसुळाट झाला आहे. नवी मुंबईतील सीसी टीव्ही बसवण्याची प्रक्रिया कासवगतीने पुढे जात आहे. ती लवकर करावी, अशी मागणी आम आदमी पक्षाच्या वतीने प्रमोद महाजन यांनी महापालिका प्रशासनाकडे केली आहे.