फार्मसी महाविद्यालयाच्या विद्यार्थ्यांचे यश

खारघर (बातमीदार) : अखिल भारतीय तंत्रशिक्षण परिषद, नवी दिल्ली यांच्या वतीने घेण्यात आलेल्या राष्ट्रीय स्तरावरील जीपॅट परीक्षेत भारती विद्यापीठ कॉलेज ऑफ फार्मसी, नवी मुंबईच्या विद्यार्थ्यांनी यश संपादित केले. ही परीक्षा एम. फार्मसी अभ्यासक्रमाच्या प्रवेशासाठी राष्ट्रीय पातळीवर घेतली जाते. या परीक्षेत भारती विद्यापीठाच्या फार्मसी महाविद्यालयाची साक्षी बुंदके, यदू पिल्ले, वनश्री ठाकूर, ऋतुजा गंधे, आकाश धुमाळ, प्रशांत मुथ्ये, नर्मदा चौधरी, शुभम कांबळे, कार्तिक शानबाग, वृषाली वायदांडे, साहिल दोंडे, कृतिका घरत आणि सूचित छपाईतकर असे विद्यार्थी उत्तीर्ण झाले. महाविद्यालयाचे प्राचार्य डॉ. विलासराव कदम यांनी सर्व यशस्वी विद्यार्थ्यांचे आणि विद्यार्थ्यांना मार्गदर्शन करणाऱ्या प्राध्यापकांचे अभिनंदन केले.