उघड्या चेंबरवर झाकणे बसवली

धारावी, ता. २३ (बातमीदार) : पीएमजीपी वसाहतीसमोरील महाराष्ट्र निसर्ग उद्यानासमोरील पदपथावरील चेंबरची झाकणे नसल्याने चेंबर गेली अनेक दिवसांपासून उघडी होती. पालिकेने आता या चेंबरवर झाकणे बसवली आहेत. नाल्याची रुंदी व खोली मोठी असल्याने एखादी व्यक्ती चेंबरमध्ये पडल्यास त्या व्यक्तीस बाहेर येणे कठीण झाले असते. तसेच रस्त्यावर पादचाऱ्यांची जास्त वर्दळ नसते. यामुळे चेंबरमध्ये पडलेल्या व्यक्तीला तातडीने मदत मिळू शकली नसती. यामुळे एखादी दुर्दैवी घटना घडण्याआधी पालिकेने चेंबरवर झाकणांची सोय करावी, अशी मागणी होत होती. पालिकेने चेंबरवर झाकणे बसवल्याने पादचाऱ्यांनी निःश्वास टाकला आहे.