तृतीयपंथीयांसाठी शिबिराचे आयोजन

पालघर, ता. २३ (बातमीदार) : तृतीयपंथीयांना तृतीयपंथी असल्याबाबतचे प्रमाणपत्र व ओळखपत्र उपलब्ध करून देण्यासाठी एकदिवसीय शिबिराचे आयोजन गुरुवारी (ता. २६) पालघर जिल्हाधिकारी कार्यालयात करण्यात आलेले आहे. सहायक आयुक्त, समाज कल्याण कार्यालय पालघर जिल्हा मुख्यालय प्रशासकीय इमारत अ, तळमजला रूम नं. ००१, पालघर येथे हे शिबिर पार पडणार आहे. पालघर जिल्ह्यामधील निवासी तृतीयपंथी बांधवांना शिबिरात सहभागी होण्याचे आवाहन सहायक आयुक्त, समाजकल्याण कार्यालय पालघर यांच्याकडून करण्यात आले आहे.