पश्‍चिम उपनगरात ३१ मे ते १ जून पाणीकपात

मुंबई, ता. २७ : मुंबई पालिकेतर्फे आर/दक्षिण विभागात कांदिवली (पूर्व) येथील लोखंडवाला वसाहतीत १८०० मिमी जलवाहिनीसह १५०० मिमी जलवाहिनी जोडण्याचे काम करण्यात येणार आहे. त्यासह ठाकूर व्हिलेज येथे १८०० मिमी जलवाहिनी स्थलांतरीत करण्याचे काम हाती घेण्यात येणार आहे. हे काम मंगळवारी (ता. ३१) सकाळी ८.३० वाजता सुरू होऊन बुधवारी (ता.१) सकाळी ८.३० वाजेपर्यंत पूर्ण करण्यात येणार आहे. या कालावधीत आर/दक्षिण विभागातील कांदिवली (पूर्व), आर/मध्य विभागातील बोरिवली (पूर्व), आर/उत्तर विभागातील दहिसर (पूर्व) आणि पी/उत्तर विभागातील मालाड (पूर्व) परिसरांमध्ये काही ठिकाणी पाणीपुरवठा पूर्णपणे बंद राहणार आहे. या कारणाने नागरिकांनी सहकार्य करण्याचे आवाहन पालिकेने केले आहे.