शिक्षक गणेश हिरवे यांना करोना योद्धा पुरस्कार जाहीर

मालाड, ता. २८ (बातमीदार) : मुंबईतील सामाजिक कार्यकर्ते, पत्रलेखक, शिक्षक व पत्रकार गणेश हिरवे यांना २९ मे रोजी नामदेव महिला परिषद, महाराष्ट्र राज्य यांच्या वतीने कोरोना योद्धा पुरस्कार देऊन सपत्निक सन्मानित करण्यात येणार असल्याची माहिती परिषदेच्या अध्यक्षा आशालता वेल्हाळ यांनी दिली. हिरवे हे सामाजिक कार्यात अग्रेसर असतात. लॉकडाऊनमध्ये हिरवे गुरुजींनी केलेल्या सामाजिक कार्याची दखल घेत त्यांना परिषदेच्या २९ मे रोजी होणाऱ्या सर्वसाधारण सभेमध्ये सन्मानित करण्यात येणार आहे. तसेच इतर मान्यवरांचाही या सोहळ्यात सन्मान होणार आहे.