सिडकोचे आज वार्षिक स्नेहसंमेलन

नवी मुंबई (वार्ताहर) : अधिकारी व कर्मचाऱ्यांना रोजच्या कामातून विरंगुळ्याचे काही क्षण मिळावेत, तसेच त्यांच्यातील कलागुणांना वाव मिळावा आणि कर्मचाऱ्यांचे परस्परांतील नाते अधिक दृढ व्हावे, या उद्देशाने दरवर्षी सिडकोत वार्षिक स्नेहसंमेलनाचे आयोजन करण्यात येते. कोरोना आपत्तीमुळे गत दोन वर्षे सिडको अधिकारी-कर्मचाऱ्यांचे वार्षिक स्नेहसंमेलन होऊ शकले नाही. मात्र, उद्या (ता. ३०) वाशी येथील सिडको एक्झिबिशन सेंटरमध्ये या वर्षीचे स्नेहसंमेलन आयोजित करण्यात आले आहे. अधिकारी-कर्मचाऱ्यांच्या सांस्कृतिक कार्यक्रमानंतर ''व्हॅक्यूम क्लीनर'' या नाटकाचा प्रयोग आयोजित करण्यात आला आहे.