शिवसेनेचे जी. एन. गुप्ता भाजपमध्ये दाखल

खारघर, ता. २९ (बातमीदार) : खारघरमधील शिवसेनेचे ज्येष्ठ कार्यकर्ते जी. एन. गुप्ता यांनी शिवसेनेला रामराम करीत आमदार प्रशांत ठाकूर यांच्या उपस्थितीत भाजपमध्ये प्रवेश केला. यावेळी भाजपचे उत्तर रायगड जिल्हा संघटन सरचिटणीस अविनाश कोळी, खारघर शहर अध्यक्ष ब्रिजेश पटेल, विनोद ठाकूर, दीपक शिंदे, गीता चौधरी, शैलेंद्र त्रिपाठी, अजिंक्य नवघरे आदी उपस्थित होते. खारघर वसाहत निर्मितीपासून गुप्ता हे शिवसेनेत काम करीत होते.