वसई विरार महापालिकेच्या महिला आरक्षणात

विरार, ता. ३१ (बातमीदार) ः वसई-विरार महापालिकेच्या निवडणुकीसाठी मंगळवारी महिलांसाठीची आरक्षण सोडत काढण्यात आली. या आरक्षणात सत्ताधारी बहुजन विकास आघाडीच्या दिग्गजांचे प्रभाग सुरक्षित झाले आहेत; तर १९ प्रभागामध्ये महिलाराज असणार आहेत. या १९ प्रभागांमधील प्रत्येक प्रभागातून दोन जागा महिलांसाठी आरक्षित करण्यात आल्या आहेत.
४२ प्रभागांमध्ये १२६ नगरसेवक असणार असून त्यापैकी ६३ नगरसेविका असणार आहेत. त्यासाठी सोडत काढण्यात आली. यामध्ये १९ प्रभागांत दोन महिला असणार आहेत. यामध्ये ६३ पैकी अनुसूचित जातीसाठी ३, अनुसूचित जमातीसाठी ३, थेट आरक्षित सर्वसाधारणमधून ४१ आणि सोडतीद्वारे आरक्षित १६ जागा महिलांसाठी आरक्षित करण्यात आल्या.