ठाण्यातील वैभवी ठरली ‘सुगरण’ स्पर्धेची विजेती

ठाणे, ता. ३१ (बातमीदार) : ‘सकाळ’ वृत्तपत्राकडून वाचकांकरिता सुगरण स्पर्धा घेण्यात आली. या स्पर्धेच्या विजेत्यांची घोषणा करण्यात आली असून यात ठाण्यातील वैभवी सुनील कापडी ही विजेती ठरली आहे. सोमवारी (ता. ३०) ठाण्यातील ‘सकाळ’ कार्यालयात तिला सन्मानित करण्यात आले. ठाणे जिल्हा विक्रेता संघाचे अध्यक्ष अजित पाटील यांच्या हस्ते वैभवीला भेटवस्तू देण्यात आली. ‘सकाळ’ वृत्तपत्राची ‘सुगरण’ ही अनोखी स्पर्धा २०२१ च्या ऑक्टोबर ते डिसेंबरदरम्यान आयोजित करण्यात आली होती. सुगरण स्पर्धेची विजेती वैभवी कापडी ही ठाण्यातील उथळसर भागातील रहिवासी आहे. तिच्यावर सर्व स्तरांतून कौतुकाचा वर्षाव होत आहे.