केंद्रीय कृषि सचिव तृप्ता जोशी बोर्डीला भेट

बोर्डी, ता. १ (बातमीदार) ः केंद्रीय कृषी सचिव तृप्ता जोशी यांनी बुधवार बोर्डी तसेच डहाणू तालुक्यातील कृषी क्षेत्राला भेट दिली. या वेळी त्यांनी आवर्जून लतिका पाटील यांच्या फळ प्रक्रिया केंद्र तसेच कृषिभूषण शेतकरी, महाराष्ट्र राज्याचे कृषी सल्लागार समितीचे सदस्य यज्ञेश सावे यांच्या फळ खरेदी-विक्री केंद्राला भेट देऊन माहिती घेतली. या वेळी कोसबाड कृषी विज्ञान केंद्राच्या प्रक्रियाविषयक शास्त्रज्ञ रूपाली देशमुख, अशोक भोईर, प्रशांत वरठा उपस्थित होते. फळ प्रक्रिया उद्योग हा शेतकऱ्यांच्या प्रगतीसाठी अत्यंत लाभदायक असून पंतप्रधान सूक्ष्म फळ प्रक्रिया या योजनेंतर्गत शेतकऱ्यांनी फायदा घ्यावा, असे आव्हान या वेळी जोशी यांनी केले.