किन्हवली ग्रामपंचायत कार्यालयात शिवस्वराज्य दिन साजरा

किन्हवली, ता. ७ (बातमीदार) ः शहापूर तालुक्यातील किन्हवली ग्रामपंचायतीच्या आवारात शिवराज्याभिषेक दिनानिमित्त शिवस्वराज्य दिन साजरा करण्यात आला. ग्रामपंचायत कार्यालयात शिवप्रतिमा व गुढीचे पूजन करण्यात आले. त्यांनतर राष्ट्रगीत गायन करून ध्वनिक्षेपकावरून महाराष्ट्र गीत वाजविण्यात आले. याप्रसंगी ग्रामविकास अधिकारी वाय. एस. बर्वे, ग्रामपंचायत कर्मचारी जयवंत भेरे, मनोहर यशवंतराव, अनिल पतंगराव, रूपाली साळवे व ग्रामस्थ उपस्थित होते.