वसईत गटाराचा स्लॅब कोसळून तीन जखमी

वसई, ता. ९ (बातमीदार) ः वसई तहसीलदार कार्यालयाजवळ असलेल्या गटाराचा स्लॅब कोसळून गुरुवारी तीन जण जखमी झाल्याची घटना घडली. या दुर्घटनेत तीन जण जखमी झाले आहेत. तीन पादचारी गटाराजवळून चालत जात असताना ही दुर्घटना घडली. वसई गावात तहसीलदार, पंचायत समिती व अन्य सरकारी कार्यालये आहेत. येथे कायमच कामासाठी नागरिकांची वर्दळ असते. या ठिकाणी गटाराचा स्लॅब कोसळल्याने पावसाळ्यातील पालिकेच्या उपाययोजनांची पोलखोल झाली आहे.