मुलुंडमध्ये एकांकिकांचे सादरीकरण

मुलुंड, ता, १५ (बातमीदार) ः विनय आपटे प्रतिष्ठान आणि महाराष्ट्र सेवा संघ यांच्या संयुक्त विद्यमाने पारितोषिक विजेत्या दोन एकांकिकांचे सादरीकरण करण्यात येणार आहे. अभिनय निर्मित आणि अभय नवाथे लिखित ‘जीर्णोद्धार’ एकांकिका शिवराम गावडे आणि मनाली राजेश्री सादर करतील; तर जिराफ थिएटर निर्मित आणि राकेश जाधव लिखित-दिग्दर्शित एकांकिका ‘स्टार’चे सादरीकरण अनिल आव्हाड, अक्षता टाले, तुषार ढेपे आणि रोहित वायकर करणार आहेत. या कार्यक्रमाचे आयोजन शुक्रवारी (ता. १७) संध्याकाळी ६.३० वाजता सेवा संघाच्या सु. ल. गद्रे सभागृहामध्ये करण्यात आले आहे. कार्यक्रमाला प्रवेश विनामूल्य असून सर्व रसिक प्रेक्षकांनी त्यास हजेरी लावावी, असे आवाहन आयोजकांतर्फे करण्यात आले आहे.