बॅनर, पोस्टरवर कारवाई

डोंबिवली ः महापालिका आयुक्त डॉ. विजय सूर्यवंशी यांच्या संकल्पनेतील कायापालट अभियानांतर्गत दोन प्रभागांतील १२ पोस्टर, ४३ बॅनर व ३५ झेंडे काढून टाकण्याची कारवाई करण्यात आली आहे. ड प्रभागाचे सहाय्यक आयुक्त सविता हिले यांनी कल्याण पूर्व येथील पुना-लिंक रोडवरील अनधिकृत लावलेले ९ पोस्टर, २७ बॅनर तसेच ३१ झेंडे काढण्याची कारवाई अतिक्रमण निर्मूलन विभागातील कर्मचाऱ्यांमार्फत केली. तर ह प्रभागात सहाय्यक आयुक्त प्रमोद पाटील यांनी डोंबिवली पश्चिम येथील रेतीबंदर रोड ते उमेश नगर रोडवरील १६ बॅनर, ३ पोस्टर व ४ झेंडे काढून टाकण्याची कारवाई अतिक्रमण निर्मूलन विभागातील कर्मचाऱ्‍‌यांमार्फत शुक्रवारी केली.