जागतिक योगा दिन साजरा

कल्याण, ता. १९ (बातमीदार) : कल्याणमधील सुभेदार वाडा कट्टातर्फे दरवर्षीप्रमाणेच जागतिक योगदिन साजरा करण्यात आला. या वर्षी सुभेदार वाडा कट्टा, कल्याण विकास फाऊंडेशन व भारती पुरोहित योग संस्था यांच्या संयुक्त विद्यमाने शनिवारी सकाळी आठ वाजता साई चौक खडकपाडा, कल्याण पश्चिम येथे योग दिनाचा कार्यक्रम घेण्यात आला. योगाचे प्रात्यक्षिक प्रकार डॉ. अनिल मिश्रा व त्यांचे सहकारी त्यांनी करून दाखवले. त्याप्रमाणे सर्व विद्यार्थी, शिक्षक, पालक यांनी योगाचे प्रकार केले आहेत. मुलांचे शरीर सुदृढ व निरोगी रहावे, योगातून राष्ट्रीय एकात्मता वाढवावी, तसेच त्यांना शिस्त चांगली लागावी म्हणून योगाचे प्रकार अतिशय उपयुक्त आहेत. या कार्यक्रमासाठी दरवर्षीप्रमाणे कल्याणचे माजी आमदार नरेंद्र पवार उपस्‍थित होते.