जिजाऊ शाळेतील अंध, गतीमंद मुले योगा करण्यात दंग

विक्रमगड (बातमीदार) ः जिजाऊ शैक्षणिक व सामजिक संस्था महाराष्ट्र संचालित अंध व गतिमंद मुलांच्या निवासी शाळेत योगदिन साजरा करण्यात आला. या वेळी मुलांना योगासनाचे महत्त्व पटवून सांगितले. शिक्षकांनी मुलांना योगासनाचे प्रात्‍यक्षिक करून दाखवले. त्यानंतर मुलांनी विविध प्रकारची योगासने केली. यामध्ये ताडासन, नौकासन, वज्रासन, शिरसासन इत्यादी आसने केली. मुलांनी योगासने करण्याचा आनंद घेतला. या वेळी शाळेतील सर्व शिक्षक व शिक्षकेतर कर्मचारी उपस्थित होते.