पनवेल परिसरात हायमास्टचे लोकार्पण

पनवेल (बातमीदार) : पनवेल महापालिकेचे नगरसेवक अनिल भगत यांच्या निधीमधून शहरातील सात ठिकाणी हायमास्ट उभारण्यात आले आहेत. या हायमास्टचे गुरुवारी मान्यवरांच्या हस्ते लोकार्पण करण्यात आले. पनवेल शहरातील कोळीवाडा येथील विसर्जन घाट, कोळीवाडा, स्मशानभूमी, भारत गॅस, रोहिदास वाडा, महावितरण कंपनीसमोर, तसेच नवनाथ मंदिर या ठिकाणी नवीन हायमास्ट उभारण्यात आले. लोकार्पण सोहळ्यावेळी नगरसेविका दर्शना भोईर, रुचिता लोंढे, पवन सोनी, मंगेश पिलविळकर, विलास गायकवाड, हरिचंद्र भगत, दत्ता पाटील यांच्यासह पदाधिकारी उपस्थित होते.