वकिलाची गळफास घेत आत्महत्या

शहापूर, ता. २७ (बातमीदार) ः शहापुरातील नावाजलेले वकील वैभव ख्रिस्ती (४५) यांनी आपल्या घरी गळफास घेऊन आत्महत्या केल्याची धक्कादायक घटना समोर आली आहे. कालच त्यांचा वाढदिवस होता. सोमवारी सकाळी त्यांचा सहायक दरवाजा उघडण्याचा प्रयत्न करत होता; मात्र आतून प्रतिसाद न मिळाल्याने त्यांनी पोलिसांशी संपर्क साधला. पोलिसांनी दरवाजा फोडून आत प्रवेश केला असता वैभव ख्रिस्ती यांनी पंख्याला गळफास घेतल्याचे उघड झाले. त्यांचा मृतदेह शहापूर उपजिल्हा रुग्णालयात उत्तरीय तपासणीसाठी नेण्यात आला आहे. आजाराला कंटाळून त्यांनी आत्महत्या केली असावी असा अंदाज पोलिसांनी बांधला. शहापूर पोलिस ठाण्यात या घटनेची नोंद करण्यात आली आहे.