कृषी संजीवनी सप्ताह अंतर्गत महिला सक्षमीकरण

उरण, ता. २९ (वार्ताहर) : कृषी संजीवनी सप्ताह अंतर्गत उरण तालुका कृषी विभागामार्फत महिला सक्षमीकरण हा कार्यक्रम मोठीजुई येथे घेण्यात आला. महिलांना सूक्ष्म अन्नप्रक्रिया उद्योग योजना व भात पीक रोपवाटिका, तसेच परसबाग याबाबत मार्गदर्शन करण्यात आले. कृषी सहायक अधिकारी एस. एस. ढाकणे, कृषी सहायक अधिकारी कोप्रोली सूरज घरत यांनी मार्गदर्शन केले. यावेळी महिला शेतकरी, महिला बचतगट प्रतिनिधी करुणा भोईर, कमल पाटील यांच्यासह महिला मोठ्या संख्येने उपस्थित होत्या.