गुरवाली ग्रामपंचायतीच्या सरपंचपदी सुनिल दळवी

टिटवाळा, ता. ३० (बातमीदार) : गुरवली ग्रामपंचायतीच्या सरपंचपदासाठी बुधवारी निवडणूक झाली. या निवडणुकीत भारतीय जनता पक्षाचे सुनील दळवी यांचा एकमेव उमेदवारी अर्ज दाखल झाल्याने निवडणूक निर्णय अधिकाऱ्यांनी त्यांची बिनविरोध निवड झाल्याचे जाहीर करण्यात आले. नवनिर्वाचित सरपंचांचे माजी उपसभापती यशवंत दळवी, भाजप तालुका अध्यक्ष चंदू बोष्टे, चिंतामन मगर, प्रकाश दळवी यांच्यासह गुरवली ग्रामपंचायत हादीतील ग्रामस्थांनी अभिनंदन केले.