मोबाईल पळविणाऱ्याला पोलिसांच्या बेड्या

मुंबई, ता. २ : मशिदीधून दानपेटी व मोबाईल चोरणाऱ्या अट्टल गुन्हेगाराला किडवाई मार्ग पोलिसांनी अटक केली आहे. हुसैन आरिफ साजीद हुसैन सय्यद (४२) असे त्याचे नाव आहे. मागील काही दिवसांपासून किडवाई मार्ग पोलिस ठाण्याच्या हद्दीत चोरीच्या घटना घडत होत्या. चोरीचे एकूण तीन गुन्हे दाखल झाले होते. त्यानुसार गुन्हे प्रकटीकरण पथकाने तपास सुरू केला. आरोपीचे सीसीटीव्ही फुटेज मिळाल्यानंतर पोलिसांनी त्याचे फोटो जाहीर केले होते. २८ जूनला पहाटे नॅशनल मार्केटजवळ स्थानिकांनी हुसैनला ताब्यात घेत पोलिसांना माहिती दिली. त्यानुसार पोलिसांनी त्याला ताब्यात घेऊन चौकशी करत एक लाख ३१ हजारांचा मुद्देमाल हस्तगत केला. अधिक तपासात आरोपीवर मुंबईतील विविध पोलिस ठाण्यांत एकूण १० गुन्हे दाखल असल्याची माहिती मिळाली.